३९ अंकले बढेकाे सेयर बजार २६ सय बिन्दुमाथि, काराेबार पनि बढ्याे
काठमाडाैं । साताको पहिलो कारोबार दिन आइतबार सेयर बजारमा उत्साह देखिएको छ । आज नेपाल स्टक एकसचेञ्ज नेप्से परिसूचक ३९.९२ अंकले बढेको छ ।
आज सेयर बजार मापक नेप्से १.५५ प्रतिशतले बढ्दा २६ दशमलव २२ बिन्दुमा पुगेको छ ।
नेप्से सँगै कारोबार रकममा पनि उत्साह देखिएको छ । आज ३३४ कम्पनीको १ करोड ३३ लाख ८१ हजार ९२६ कित्ता सेयर ६ अर्ब २८ करोड ६७ लाख रुपैयाँमा करोबार भएको छ ।
गत बिहिबार ३२८ कम्पनीको १ करोड ४ लाख ४९ हजार २९६ कित्ता सेयर ४ अर्ब ६८ करोड ८८ लाख ६८ हजार रूपैयाँमा कारोबार भएको थियो ।
