सिद्धार्थ प्रिमियर इन्स्योरेन्सले यस वर्ष आफ्ना सेयरधनीलाई ७० करोड १६ लाख रूपैयाँ वितरण गर्ने

काठमाडौं । सिद्धार्थ प्रिमियर इन्स्योरेन्सले गत आर्थिक वर्षको मुनाफाबाट सेयरधनीहरूका लागि लाभांश घोषणा गरेको छ।

कम्पनीले गत आर्थिक वर्ष २०८१/८२ को मुनाफाबाट सेयरधनीहरुलाई २५ प्रतिशत नगद लाभांश दिने निर्णय गरेको हो ।

कम्पनी सञ्चालक समितिको बिहीबार साँझ बसेको बैठकले उक्त आर्थिक वर्षका लागि शेयरधनीहरुलाई हाल कायम चुक्तापुँजी २ अर्ब ८० करोड ६५ लाख ४९ हजार ९०० रुपैयाँको कुल २५ प्रतिशत नगद लाभांश (करसहित) वितरण गर्ने निर्णय गरेको हो।

जसअनुसार कम्पनीले शेयरधनीहरुलाई ७० करोड १६ लाख ३७ हजार ४७५ रुपैयाँ नगद लाभांशका रुपमा वितरण गर्नेछ।

यो लाभांश नेपाल बीमा प्राधिकरणको स्वीकृतिपछि आगामी वार्षिक साधारणसभाबाट अनुमोदन गरी शेयरधनीहरुलाई वितरण गरिने कम्पनीले जनाएको छ।