आइजीआई प्रुडेन्सियल इन्स्योरेन्सले ५ प्रतिशत लाभांश दिने
काठमाडौं । आइजीआई प्रुडेन्सियल इन्स्योरेन्स लिमिटेडले शेयर धनीलाई गत आर्थिक वर्ष २०८१–८२ को वितरणयोग्य नाफाबाट शेयर धनीलाई लाभांश दिने भएको छ ।
कम्पनीले आफ्नो चुक्ता पुँजीको ५ प्रतिशत कर समेत गरेर नगद लाभांश दिने भएको कम्पनीका सचिव उमा जोशीले जानकारी दिइन् । जोशीका अनुसार कम्पनीको बुधवार अपराह्न ३:३० बजे बसेको ४१औँ सञ्चालक समितिको बैठकले यस्तो निर्णय गरेको हो ।
लाभांश पारित सहितको एजेन्डा लिएर कम्पनीले साधारण सभा समेत बोलाएको छ । कम्पनीले आफ्नो २८औँ वार्षिक साधारण सभा पुस २४ गते बिहीबार काठमाडौंको नक्सालमा रहेको आम्रपालि बैंकेटमा बिहान ११ बजे देखी गर्ने भएको छ ।
हाल कम्पनीको चुक्ता पुँजी ३ अर्ब २ करोड ९३ लाख ३४ हजार रुपैयाँ बराबरको रहेको छ ।
