लाभांश प्रस्ताव पारित गर्न ग्लोबल आइएमई लघुवित्तले डाक्यो साधारण सभा
काठमाडाैं । ग्लोबल आइएमई लघुवित्त वित्तीय संस्थाले साधारण सभा बाेलाएकाे छ ।
गत आर्थिक वर्षको मुनाफाबाट शेयरधनीहरुलाई वितरण गर्ने घोषणा गरेको लाभांश प्रस्ताव पारित गर्न कम्पनीले पुस २९ गते तेह्रौँ वार्षिक साधारण सभा बाेलाएकाे हाे ।
सभा पुस २९ गते, मंगलबार, टेम्पल बेल बुटिक होटल एण्ड स्पा प्रां.लि., लेकसाइड, पोखरा, कास्कीमा बिहान १० बजे शुरु हुनेछ।
सभाले हाल कायम चुक्ता पूँजीको ४.७५ प्रतिशतका दरले बोनस शेयर र सोको कर प्रयोजनार्थ ०.२५ प्रतिशतका दरले नगद लाभांश वितरण गर्ने विशेष प्रस्ताव पारित गर्नेछ।
त्यस्तै, सभाले प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ।
साधारण सभा तथा लाभांश वितरण प्रयोजनार्थ लघुवित्तले पुस १८ गते एक दिनका लागि बुकक्लोज गर्ने भएको छ। यस अनुसार पुस १७ गतेसम्म नेप्सेमा कारोबार भइ कायम शेयरधनीहरुले लघुवित्तको साधारण सभामा सहभागिता जनाउन तथा लघुवित्तले वितरण गर्ने लाभांश प्राप्त गर्न सक्नेछन्।
