शेयर बजार ३१ अङ्कले बढ्यो, झण्डै साढे ८ अर्ब रुपैयाँको कारोबार
काठमाडौं । अघिल्ला दुई कारोबार दिन सामान्य अंकले बढेको सेयर बजारमा यसदनि उत्साह देखिएको छ । आज नेपाल स्टक एक्सचेञ्ज नेप्से परिसूचक ३१.१२ अंकले बढेर २६ सय ७२ दशमलव ५५ बिन्दुमा रोकिएको छ ।
नेप्से परिसूचकसँगै यसदिन काराेबार रकम पनि बढेकाे छ। आज ३३८ कम्पनीकाे १ कराेड ६६ लाख ११ हजार ४७९ कित्ता सेयर ८ अर्ब ४० कराेड २७ लाख ९७ हजार रूपैयाँका काराेबार भएकाे छ।
अघिल्लाे काराेबार दिन ३ सय २० वटा कम्पनीका १ करोड २५ लाख कित्ता शेयर ६ अर्ब २० करोड रुपैयाँमा किनबेच भएको थियो ।
आज सबै समुहकाे सेयरमा हरियाली छाएकाे छ। यसदिन फाइनान्स समुह सर्वाधिक ५.७३, विकास बैंक ३.०३, उत्पादन तथा प्रशाेधन २.४२, हाेटल तथा पर्यटन २.०२, माइक्राेफाइनान्स १.३१ र जीवन बीमा समुह १.२५ प्रतिशतले बढेकाे छ ।
आज २२४ कम्पनीकाे सेयर मूल्य बढेकाेमा सागर डिष्टिलरी, उन्नति सहकार्य लघुवित्त, श्रीनगर एग्रिटेक इन्डस्ट्रिज र गुर्खाज फाइनान्सकाे सेयर मूल्यमा सकारात्मक सर्किट लागेकाे छ ।
दाेहाेराे अंकले बढेकाे बजारमा थ्रीस्टार हाइड्राेपावरकाे सेयर मूल्य सर्वाधिक ८.७८ प्रतिशत घटेकाे छ ।
