हात्तीवन फरेस्ट रिसोर्टमा ‘केटिएम इन्ड्युरो डे’ भव्यताका साथ सम्पन्न

काठमाडौं । केटिएम नेपालले एक्स्ट्रीम इनर्जी ड्रिंकसँगको सहकार्यमा गत माघ १७ गते (जनवरी ३१) हात्तीवन फरेस्ट रिसोर्टमा ‘केटिएम इन्ड्युरो डे’ सफलतापूर्वक सम्पन्न गरेको छ। यस कार्यक्रमले अफ-रोड खेल प्रेमीहरूलाई प्राविधिक राइडिङ, प्रतिस्पर्धा र साहसिक अनुभवका लागि एउटै थलोमा ल्याएको थियो।

हात्तीवनको कठिन भू-बनोटमा राइडरहरूको कौशल परीक्षण गर्न चुनौतीपूर्ण ट्रयाक निर्माण गरिएको थियो। सहभागीहरूले ‘लग जम्प’ (काठका मुढाहरू नाघ्ने) र जंगलका ठाडा बाटाहरू जस्ता प्राविधिक अवरोधहरू पार गर्दै केटिएमको “रेडी टु रेस” भावनालाई सार्थक तुल्याएका थिए।

कार्यक्रमको अन्त्यमा उत्कृष्ट प्रदर्शन गर्ने राइडरहरूलाई पुरस्कृत गरिएको छ । प्रो विधाका विजेता प्रज्वल अधिकारी, प्रथम रनर अप प्रभात बोसेल र द्वितीय रनर अप निश्चल अधिकारी रहेका छन् ।

यस्तै एमेच्योर विधाका विजेता केशव गौतम, प्रथम रनर अप राहुल ऐयर र द्वितीय रनर अप अभी रिसाल रहेका छन् । यसैगरी महिला विधा अन्तर्गत विजेता: वर्षा बस्नेत, प्रथम रनर अप रुबी सिंह राजपूत र द्वितीय रनर अप: मिग्मा डोल्मा तामाङ रहेका छन् ।