नेपालमा जेलियोका ४ नयाँ ईभी स्कुटर सार्वजनिक, चाडपर्व विशेष अफरमा १५ हजारसम्म छुट

काठमाडौँ। भारतको चर्चित ब्रान्ड जेलियोले नेपालमा पनि आफ्नो नयाँ इलेक्ट्रिक स्कुटर औपचारिक रूपमा सार्वजनिक गरेको छ।

आज काठमाडौँमा एक कार्यक्रम आयोजना गर्दै जेलियो ईभी स्कुटरको नयाँ मोडल लञ्च तथा आधिकारिक शोरुमको औपचारिक उद्घाटन गरिएको हो।

नेपालको विद्युतीय सवारीसाधन बजारमा आफ्नो उपस्थिति विस्तार गर्दै भारतीय विद्युतीय दुईपाङ्ग्रे सवारीसाधन ब्रान्ड जेलियोले किफायती तथा वातावरणमैत्री व्यक्तिगत यातायातको नयाँ विकल्प प्रस्तुत गरेको छ।

ब्रान्डले ग्राहकको दैनिक आवागमनलाई सहज, किफायती र प्रविधिमैत्री बनाउने उद्देश्यका साथ विभिन्न मोडलका इलेक्ट्रिक स्कुटरहरू नेपाली बजारमा उपलब्ध गराउँदै आएको छ।

जेलियो ईभी स्कुटरमा आकर्षक तथा आधुनिक डिजाइनसँगै दैनिक प्रयोगलाई ध्यानमा राखेर उच्च दक्षताको इलेक्ट्रिक मोटर, आधुनिक ब्याट्री प्रविधि, डिजिटल डिस्प्ले, आरामदायी राइडिङ, राम्रो स्टोरेज क्षमता तथा सुरक्षा सुविधाहरू जस्ता विशेषताहरू उपलब्ध मोडल अनुसार समावेश गरिएका छन्।

नेपालमा बढ्दो विद्युतीय सवारीसाधनको मागलाई ध्यानमा राख्दै जेलियोले ग्राहकलाई कम सञ्चालन खर्च, वातावरणमैत्री यात्रा र आधुनिक प्रविधिको अनुभव प्रदान गर्ने लक्ष्य लिएको छ।

जेलियो ईभी स्कुटर खरिद गर्ने ग्राहकहरूका लागि कम्पनी तथा आधिकारिक डिलर नेटवर्कमार्फत आकर्षक खरिद योजना, फाइनान्स सुविधा, एक्सचेञ्ज सुविधा, टेस्ट राइड सुविधा, बिक्रीपछिको सेवा तथा मर्मतसम्भार एवं स्पेयर पार्ट्स तथा आवश्यक प्राविधिक सहयोग उपलब्ध गराउने व्यवस्था गरिएको छ। साथै, नेपालीहरूकाे महान पर्व दसैं तथा तिहारका अवसरमा कम्पनीले आफ्ना ४ वटै माेडलहरूमा १५००० रूपैयाँसम्म छुट समेत दिएकाे छ।

जेलियोको नेपालस्थित आधिकारिक नेटवर्कले ग्राहकलाई बिक्री मात्र नभई बिक्रीपछिको सेवा, स्पेयर पार्ट्सको उपलब्धता र प्राविधिक सहयोग मार्फत दीर्घकालीन ग्राहक सम्बन्ध निर्माण गर्ने लक्ष्य राखेको छ।

कम्पनीका प्रतिनिधिले नेपालमा विद्युतीय मोबिलिटीको प्रयोग बढिरहेको अवस्थामा जेलियोले ग्राहकको आवश्यकता, बजेट र दैनिक प्रयोगलाई ध्यानमा राखेर आधुनिक तथा किफायती इलेक्ट्रिक स्कुटर उपलब्ध गराउने लक्ष्य राखेको बताएका छन्। उनले ग्राहकलाई गुणस्तरीय उत्पादनसँगै भरपर्दो सेवा र सहज फाइनान्सिङ सुविधा उपलब्ध गराउनु आफूहरूको प्राथमिकता रहेको जानकारी दिएका छन्।

जेलियो ईभी स्कुटरले आगामी दिनमा नेपालका विभिन्न प्रमुख शहर तथा बजारमा आफ्नो बिक्री तथा सेवा नेटवर्क विस्तार गर्दै विद्युतीय मोबिलिटीलाई थप सहज र पहुँचयोग्य बनाउने योजना अघि सारेको छ। थप जानकारी तथा टेस्ट राइडका लागि नजिकको जेलियो अधिकृत शोरुममा सम्पर्क गर्न सकिनेछ।