गरिमा विकास बैंकको १० प्रतिशत लाभांश पारित, चुक्ता पुँजी सवा ५ अर्ब पुग्यो
काठमाडौँ । गरिमा विकास बैंकको लाभांश पारित भएको छ । पोखरामा सम्पन्न बैंकको १७औं वार्षिक साधारण सभाले १० प्रतिशत लाभांश पारित गरेको हो ।
बैंकले गत आर्थिक वर्षको मुनाफाबाट आफ्ना सेयरधनीहरुलाई ९.५० प्रतिशत बोनश सेयर र कर प्रयोजनार्थ ०.५० प्रतिशत नगद लाभांश वितरण गर्ने प्रस्ताव गरेको थियो । सोही प्रस्ताव १७औं साधारण सभाले पारित गरेको हो ।
हाल बैंकको चुक्ता पुँजी ५ अर्ब १८ करोड ७६ लाख ८७ हजार ५७ रुपैयाँ छ । बोनस सेयर वितरणपश्चात बैंकको चुक्ता पुँजी ५ अर्ब ६८ करोड ५ लाख १७ हजार ३ सय २७ रुपैयाँ पुगेको छ ।
विकास बैंकका हाल देशभर १२३ शाखा कार्यालय र ५१ वटा एटीएम मार्फत बैंकिङ्ग सेवा प्रदान गर्दै आएको छ । बैंकले हालसम्म बैंकले करिब ८० अर्ब निक्षेप संकलन गरेको छ भने करिब ६९ अर्ब रुपैयाँ कर्जा प्रवाह गरेको छ ।
