३ वर्षपछि सेयरका लागि बोलकवोल गर्दै मेगा बैंकको १८ लाख ४० हजार कित्ता हकप्रद लिलामीमा
काठमाडौं । मेगा बैंक नेपालले १८ लाख ४० हजार कित्ता हकप्रद लिलामाीमा राखेको छ । करिव तीन बर्षपछि मेगा बैंकले नबिकेको हकप्रद सेयर लिलामीमा बिक्री गर्न लागेको बैंकले जनाएको छ । सो कित्ता ७ सय ३९.६३ कित्ता हकप्रद बोलकबोलद्धारा बिक्री गर्न लागेको हो । संस्थापकतर्फको ११ लाख ३३ हजार ३ सय ४४.७० कित्ता र सर्वसाधारणतर्फको ७ लाख ७ हजार ३९४.९३ कित्ता सेयर लिलाम गर्ने लागेको बैंकले जनाएको छ ।
मेगाको चुक्ता पुँजी १३ अर्ब १३ करोड ९६ लाख रुपैयाँ छ । नेपाल धितोपत्र बोर्डको धितोपत्र दर्ता तथा निष्कासन नियमावलीमा हकप्रद सेयर पूर्ण बिक्री नभए लिलामीबाट बेच्नुपर्ने व्यवस्था छ । बैंकले लिलामीमा ल्याएको हकप्रद सेयरमा असोज ११ देखि १८ गतेसम्म आवेदन दिन सकिने जनाइएको छ ।
लगानीकर्ताले न्यूनतम १०० कित्ता र अधिकतम एक लाख कित्ताका लागि आवेदन दिन सकिनेछ । सेयरको न्यूनतम मूल्य प्रति कित्ता १०० तोकिएकाले सोभन्दा बढी रकम कबुल गरि आवेदन दिनु पर्नेछ । सेयर लिलामी प्रक्रियाका लागि बैंकको बिक्री प्रबन्धकमा मेगा क्यापिटल रहेको छ ।
