चैतली मेला सञ्चालन गरेको आरोपमा चार वडाध्यक्षसहित ९ जना नियन्त्रणमा
अर्थ पथ
प्रकाशित मिति : २६ चैत्र २०७६, बुधबार १९ : ३९ बजे
0
Shares
काठमाडौं । लकडाउन अवज्ञा गर्दै चैतली मेला सञ्चालन गरेको आरोपमा चार वडाअध्यक्षसहित ९ जनालाई प्रहरीले नियन्त्रणमा लिएको छ ।
बझाङको छविसपाथीभेरा गाउँपालिका—३ को बान्नीकोटमा वर्षेनी लाग्ने मेला लकडाउनमा पनि सञ्चालन गरिएको सोही गाउँपालिकाका चार वडाध्यक्षसहित ९ जनालाई बुधबार नियन्त्रणमा लिइएको हो।
स्थानीयले चैत ११ गते जंगलबाट रुखको काकर काटेर ल्याइ मेलाको सुरुवात गरी अष्टमीको दिन बोकाको बली चढाएर सोमबार मेला समापन भव्य रुपमा गरेका थिए।
