इतिहासकै कमजोर बन्यो नेपाली रुपैयाँ, डलरको भाउले फेरि बनायो नयाँ कीर्तिमानी उचाई

काठमाडौं । अमेरिकी डलरको भाउले फेरि नयाँ कीर्तिमानी रेकर्ड बनाएको छ । मंगलबार डलरको भाउ हालसम्मकै उच्च बिन्दुमा पुगेको छ ।

नेपाल राष्ट्र बैंकका अनुसार आज एक अमेरिकी डलरको बिक्रीदर १३३ रुपैयाँ ७४ पैसा कायम भएको छ । आजका लागि खरिददर भने १३३ रुपैयाँ १४ पैसा कायम भएको छ । यो भाउ नै हालसम्मकै उच्च हो ।

पछिल्लो समय डलरको भाउ थप महँगो बन्दे गएको छ । अमेरिकी डलरको तुलनामा भारतीय मुद्रा भने कमजोर बनेको छ । भारतीय मुद्रा कमजोर बन्दा नेपाली रुपैयाँ पनि इतिहासकै कमजोर भएको छ । भारतीय मुदसँग नेपालको मुद्राको स्थिर विनिमय दर छ । भारु कमजोर हुँदा नै नेपाली रुपैयाँ समेत कमजोर भएको हो ।

अन्तर्राष्ट्रिय बजारमा डलरको मूल्य बढेसँगै नेपालीहरुले पनि महंगो मूल्यमा डलर खरिद गर्नुपर्ने हुन्छ । डलरको भाउ वृद्धिले नेपाली अर्थतन्त्रमा भने नकारात्मक र सकारात्मक दुवै असर पार्ने गर्दछ । अमेरिकी डलर बढ्दै जाँदा यसले. विश्व बजारको व्यापार र आन्तरिक कारोबारलाई समेत असर पार्ने गर्दछ । यसले आया गर्ने सामग्रीका लागि थप महँगो पार्छ ।

वैदेशिक रोजगारीमा रहेका नेपाली कामदाहरुले डलरमा रेमिट्यान्स पठाउँछन्, जसले डलरको भाउ बढ्दा रेमिट्यान्समा पनि बढ्छ । यता, पर्यटन क्षेत्रमा पनि डलरको भाउ बढ्दा राम्रै प्रभाव पर्छ । नेपाल घुम्न आउने विदेशी पर्यटकहरूले डलर बोकेर आउँछन् र यहाँ खर्च गरेर जान्छन् । यो नेपाली अर्थतन्त्रको लागि सकारात्मक छ ।

नेपालको आयातमुखी अर्थतन्त्र भएकाले डलरको भाउ बढ्दा हरेक वस्तुको मूल्य वृद्धि हुने गर्दछ । भारतसहित तेस्रो मुलुकबाट आयात हुने मोटर, मोबाइल फोन, इलेकट्रोनिक्सका सामान, लत्ताकपडा, औद्योगिक कच्चा पदार्थ लगायत सामान महँगो पर्नेछन् ।

कुन देशको मुद्रा साट्दा कति पाइन्छ ?