नबिल बैंकले डाक्यो विशेष साधारण सभा, कहिले गर्दैछ बुक क्लोज ?
काठमाडौं । नबिल बैंक लिमिटेड विशेष साधारण सभा बोलाएको छ । बैंकले भदौ १७ गते विशेष साधारण सभा डाकेको हो ।
साउन २७ गते आइतबार बैंकको केन्द्रिय कार्यालयमा बसेको नबिल बैंकको सञ्चालक समितिको ६६२ औं बैठकले उक्त निर्णय गरेको हो ।
विशेष साधारण सभामा “नबिल ८प्रतिशत अविमोच्य असञ्चिति अग्राधिकार सेयर“ जारी गर्ने एजेन्डा छ । यस्तै, अधिकृत र जारी तथा चुक्ता पूँजी वृद्धि गर्नुका साथै प्रबन्धपत्र र नियमावलीको आवश्यक संशोधन लगायतका एजेन्डाका विषयहरुमा सेयरधनीबीच छलफल गरी निर्णय विशेष साधारण सभा बोलाएको छ ।
सभा प्रयोजनका लागि बैंकले बुक क्लोज मिति तय गरेको छ । नबिलले भदौ ७ गते बुक क्लोज गर्ने भएको हो । त्यसका आधारमा भदौ ६ गते बिहीबारसम्म कायम सेयरधनीले सभामा सहभागिता जनाउन सक्नेछन् ।
