सेयर बजारमा उच्च वृद्धि : नेप्से २७ सय बिन्दुमाथि, कारोबार १० अर्ब नजिक
काठमाडौं । आइतबार सेयर बजारमा उच्च वृद्धि देखिएको छ । तिहारपछि गत साता २ दिनको कारोबारमा सामान्य घटेको बजारमा आज उत्साह देखिएको छ । यस दिन सेयर बजार मापक नेप्से परिसूचक २.३३ प्रतिशत अर्थात् ६२.५४ अंकले बढेको छ । यो सँगै परिसूचकले २७ सयको बिन्दु पार गरेर २७३८ बिन्दुमा पुगेको छ ।
यस २२८ कम्पनीको मूल्य बढ्दा १३ कम्पनीको मात्र घटेको छ ।
सेयर बजारसँगै कारोबार रकममा पनि उछाल देखिएको छ । आइतबार ९ अर्ब ७७ करोड ११ लाख २४ हजार रुपैयाँ बराबरको कारोबार भएको छ । आज ३२५ कम्पनीको २ करोड २४ लाख ७४ हजार २८१ कित्ता सेयर कारोबार भएको छ ।
यस दिन नेप्सेमा सूचीकृत १३ वटै सूचकमा हरियाली देखिएको छ ।
