एकैदिन ताेलामा २००० रूपैयाँ बढ्याे सुनकाे मूल्य
काठमाडौं । बुधबार पनि नेपाली बजारमा सुनकाे मूल्य बढेर नयाँ रेकर्ड कायम गरेकाे छ । हिजाे ताेलामा ६०० रूपैयाँले बढेकाे सुनकाे मूल्य बुधबार प्रतिताेला २ हजार रुपैयाँले बढेकाे छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य २ लाख ७ हजार ९०० रुपैयाँ तोकिएको छ ।
हिजाे छापावाल सुन प्रतिताेला प्रतितोला दुई लाख ५ हजार ९०० रुपैयाँमा कारोबार भएकाे थियाे ।
यता बुधबार चाँदीको मूल्य भने तोलामा ५ रुपैयाँले घटेको छ । मंगलबार तोलामा २ हजार ४८५ रुपैयाँ कायम भएको चाँदीको मूल्य बुधबार घटेर २ हजार ४८० रुपैयाँ कायम भएको महासंघले जनाएको छ ।
