दाेहाेराे अंकले घट्याे सेयर बजार, ४ अर्ब १२ कराेडकाे काराेबार
काठमाडाैं । यस साता दुई काराेबार दिन उच्च अंकले बढेकाे सेयर बजार बुधबार दाेहाेराे अंकले घटेकाे छ । आज सेयर बजार मापक नेप्से परिसूचक २७.८९ अंकले घटेको छ ।
आज १.०३ प्रतिशतले घटेकाे सेयर बजार २ हजार ६ सय ५४ दशमलव ३५ बिन्दुमा झरेकाे छ ।
नेप्से परिसूचकसँगै यसदिन काराेबार रकममा पनि गिरावट आएकाे छ । आज ३१७ कम्पनीकाे ९४ लाख ८ हजार ६६३ कित्ता सेयर ४ अर्ब १२ कराेड ४८ लाख २१ हजार रूपैयाँमा काराेबार भएकाे छ ।
हिजाे ३ सय २८ वटा कम्पनीका १ करोड १३ लाख कित्ता शेयर ५ अर्ब २९ करोड रुपैयाँमा किनबेच भएको थियाे ।
आज उन्नति सहकार्य लघुवित्त कम्पनीको शेयर सबैभन्दा धेरै ५ दशमलव ३८ प्रतिशतले घटेको छ । समग्रमा बजार घटेको दिन माथिल्लो मैलुनखोला जलविद्युत्, सिटी होटल र हिमस्टार ऊर्जा कम्पनीको शेयर भने १० प्रतिशतले बढेको छ ।
