साताको पहिलो दिन २० अंकले घट्यो नेप्से, कारोबारसहित अन्य सूचक कस्तो ?
काठमाडौं । साताको पहिलो दिन आज आइतबार शेयर बजार घटेर बन्द भएको छ । आज नेपाल स्टक एक्सचेञ्ज –नेप्से) १९.९२ अंकले घटेर बन्द भएको हो । आज नेप्से ०.७६ प्रतिशतले घटेर परिसूचक २५९५.१० विन्दुमा आएको छ ।
आज नेप्से घट्दा ४ अर्ब ५२ करोड ८७ लाख १५ हजार रुपैयाँ बराबरको १ करोड १२ लाख ९९ हजार ३३४ कित्ता शेयर कारोबार भएको छ ।
आज बजार बन्द हुँदा ४३ वटा कम्पनीको शेयर मूल्य बढेको छ भने २०७ वटा कम्पनीको शेयर मूल्य घटेको छ । ७ वटा कम्पनीको शेयर मूल्य भने स्थिर रहेको छ ।
दिनभरमा ३४५ वटा कम्पनी कारोबारमा आउँदा ७० हजार ५७६ पटक शेयर किनबेच भएको छ ।
१३ वटा समूह मध्ये म्युचुअल फण्ड बाहेक अन्य सबै समूह रातामय भएको छ ।
