साताको अन्तिम दिन १३ अंकले घट्यो नेप्से, कारोबार कति ? 

काठमाडौं । सरकारले शनिवार र आइतबार सार्वजनिक बिदा दिएपछि आज पहिलो पटक शुक्रवार पनि शेयर बजार खुलेको थियो । तर शेयर बजार खुले पनि बजारले भने रातो झन्डा देखाएको छ । 

आज शेयर बजार अन्तिम समयमा घटेर बन्द भएको छ । आज नेपाल स्टक एक्सचेञ्ज (नेप्से) १३ अंकले घटेर बन्द भएको छ । आज नेप्से ०.४७ प्रतिशतले घट्दा परिसूचक २८३७.७७ विन्दुमा पुगेको छ । 

आज दिनभरमा ८ अर्ब ९९ करोड ३२ लाख ८१ हजार रुपैयाँ बराबरको २ करोड १० लाख ८७ हजार ६२८ कित्ता शेयर कारोबार भएको छ । 

आज ५६ वटा कम्पनीको शेयर मूल्य बढेको छ भने २०९वटा कम्पनीको शेयर मूल्य घटेको छ । ३ वटा कम्पनीको शेयर मूल्य भने स्थिर रहेको छ । 

आज दिनभरमा ३३५ वटा कम्पनीको शेयर ९७ हजार ४८० पटक किनबेच भएको छ ।