८ लाखकाे सुरुवाती मूल्यमा नयाँ साइरोस एमवाई २६ सार्वजनिकः नयाँ संस्करणमा के-के छन् विशेषता ?

काठमाडाैं । प्रिमियम अटोमेकर मध्ये एक किया इन्डियाले ग्राहकहरूको बदलिँदो आवश्यकता र सुझावहरूलाई मध्यनजर गर्दै आफ्नो लोकप्रिय मोडेल किया साइरोसको नयाँ संस्करण ‘साइरोस मोडेल वर्ष २०२६ (एमवाई २६)’ सार्वजनिक गरेको छ ।

यो नयाँ संस्करणको सुरुवाती मूल्य ८ लाख ३९ हजार ९०० भारतीय रुपैयाँ तोकिएको छ, जसले प्रिमियम सुविधाहरूलाई ग्राहकको पहुँचमा अझ सहज बनाएको छ । यस मोडेलले आफ्नो बलियो सुरक्षा मानकलाई कायम राख्दै ‘बी-एनक्याप’ बाट फाइभ-स्टार रेटिङ समेत प्राप्त गरेको छ ।

कियाले यस पटक साइरोसको लाइनअपमा एचटीई, एचटीई (ओ), एचटीके प्लस (ओ), र एचटीएक्स (ओ) गरी चारवटा नयाँ ट्रिमहरू थप गरेको छ । गाडीको बाहिरी बनावटलाई अझै स्पोर्टी र मजबुत बनाउन अगाडि र पछाडिको बम्परमा विशेष परिवर्तन गरिएको छ ।

यसमा बडी-कलर्ड एरो इन्सर्ट्स, ग्लसी ब्ल्याक स्किड प्लेट्स, र एलइडी फग ल्याम्पहरू समावेश छन् । साथै, गाडीमा नयाँ आर १७ (४३.६६ सेमी) स्पोर्टी क्रिस्टल कट एलोय ह्विल र नियोन रङ्गको ब्रेक क्यालिपरहरू जडान गरिएको छ । गाडीको साइड प्रोफाइललाई आकर्षक बनाउन ग्लसी ब्ल्याक रूफ रेल्स र ओआरभीएमका साथै बडी कलर्ड साइड गार्निस पनि थपिएको छ ।

ग्राहकहरूले अब म्याग्मा रेड, आइभोरी सिल्भर म्याट, र आइभोरी सिल्भर ग्लस जस्ता नयाँ रङ्गहरूमा पनि यो गाडी रोज्न सक्नेछन् । किया साइरोस एमवाई २६ मा विलासी अनुभवका लागि ७६.२ सेमी (३०”) को ट्रिनिटी प्यानोरामिक डिस्प्ले, डुअल-पेन प्यानोरामिक सनरुफ, स्ट्रिमलाइन डोर ह्यान्डल, र अगाडिको भेन्टिलेटेड सिटहरू जस्ता विशेषताहरू रहेका छन् ।

यसमा दोस्रो रोको सिटलाई ढल्काउन र सार्न मिल्ने (रेक्लाइन एन्ड स्लाइड) सुविधाका साथै ६०:४० अनुपातमा फोल्ड गर्न सकिने व्यवस्था छ ।

सुरक्षाका लागि यसमा २० वटा मजबुत र उच्च स्तरका सुरक्षा प्याकेजहरू समावेश छन् । प्रविधिको कुरा गर्दा यसमा ८० भन्दा बढी कनेक्टेड कार सुविधाहरू, ओटीए अपडेटहरू, र किया कनेक्ट डायग्नोस्टिक्स उपलब्ध छन् । शहरको भीडभाडमा सजिलै चलाउन मिल्ने गरी डिजाइन गरिएको यो गाडीमा भित्री स्पेस र यात्रुको आराममा कुनै सम्झौता गरिएको छैन ।

कियाले विभिन्न इन्जिन र ट्रिमहरूका लागि निर्धारण गरेको मूल्यहरू निम्नानुसार रहेका छन्:

जी १.० एमटी (पेट्रोल म्यानुअल): यसको एचटीई भेरियन्टको मूल्य ८,३९,९०० रुपैयाँबाट सुरु भई एचटीके प्लस (ओ) को ११,९९,९०० रुपैयाँसम्म तोकिएको छ ।

जी १.० ७डीसीटी (पेट्रोल अटोमेटिक): यो एचटीके प्लस ट्रिममा ११,९३,९०० रुपैयाँदेखि उपलब्ध छ भने शीर्ष मोडेल एचटीएक्स (ओ) को मूल्य १४,९९,९०० रुपैयाँ रहेको छ ।

डी १.५ ६एमटी (डिजेल म्यानुअल): डिजेल म्यानुअल संस्करणको मूल्य एचटीई (ओ) का लागि ९,९९,९०० रुपैयाँबाट सुरु भएर एचटीके प्लस (ओ) का लागि १२,७९,९०० रुपैयाँसम्म कायम गरिएको छ ।

डी १.५ ६एटी (डिजेल अटोमेटिक): डिजेल अटोमेटिकको सुविधा अब एचटीके प्लस ट्रिमदेखि नै १२,७३,९०० रुपैयाँमा उपलब्ध गराइएको छ, जसको अधिकतम मूल्य एचटीएक्स (ओ) का लागि १५,७९,९०० रुपैयाँ तोकिएको छ ।

यस अपडेट मार्फत किया इन्डियाले ग्राहकहरूलाई किफायती मूल्यमा प्रिमियम, फराकिलो र सुरक्षित ड्राइभिङ अनुभव प्रदान गर्ने लक्ष्य राखेको छ ।