धनगढीमा चाङ्गान डीपल शोरुम उद्घाटन, उन्नत ग्राहक सेवा सहयोगसहित दिपाल र नेभाे मोडेलहरूको विशेष प्रदर्शनी

धनगढी। एमएडब्लु वृद्धी अटोकर्प प्रालीअन्तर्गत धनगढी क्षेत्रका लागि चाङ्गानको आधिकारिक डिलर ग्लोबल प्रालिले कैलालीको धनगढी–१३, राजपुरमा आफ्नो नयाँ शोरुमको उद्घाटन गरेको छ।

नयाँ शोरुमको उद्घाटन समारोहका प्रमुख अतिथि शिक्षाविद् डा. हेमराज पन्त रहेका थिए। समारोहमा एमएडब्लु वृद्धीका उपाध्यक्ष सन्दीप चटर्जी, एमएडब्लु वृद्धी अटोकर्प प्रालीका प्रमुख कार्यकारी अधिकृत (सिईओ) ज्ञानेन्द्रबहादुर चन्द, ग्लोबल प्रालिका अध्यक्ष हितेश ओझा तथा ग्लोबल प्रालिका प्रबन्ध निर्देशक कृष्णदेव उप्रेतीको उपस्थिति रहेको थियो।

यस उद्घाटनले सुदूरपश्चिम प्रदेशमा चाङ्गानको उपस्थिति विस्तार गर्ने दिशामा महत्त्वपूर्ण कदम चालेको छ र यस क्षेत्रका ग्राहकहरूसमक्ष उन्नत नयाँ ऊर्जा-आधारित मोबिलिटी समाधानहरू अझ नजिक ल्याएको छ।

नयाँ शोरुममार्फत ग्राहकहरूले सवारीसाधन खरिद, उत्पादनसम्बन्धी परामर्श, टेस्ट ड्राइभ अनुभव तथा बिक्रीपछिका सेवाहरू प्राप्त गर्न सक्नेछन्, जसले ब्रान्डको ग्राहक सहायता सञ्जाललाई थप सुदृढ बनाउनेछ।

शोरुम उद्घाटनपछि साँझ धनगढीमा चाङ्गान नेभो क्यु-०५ सार्वजनिक गरिनेछ। २६ देखि २९ असोजसम्म सञ्चालन हुने चारदिने टेस्ट ड्राइभ अभियानमार्फत ग्राहकहरूले सवारीसाधनलाई प्रत्यक्ष अनुभव गर्न तथा यसको आरामदायी सुविधा, डिजाइन, प्रविधि र स्मार्ट विशेषताहरू बुझ्न सक्नेछन्।

नेपालमा चाङ्गानको उत्पादन सूचीमा दिपाल एस ०५, एस ०७, एल ०७, इ ०७ र नेभो क्यु-०५ समावेश छन्, जसले नेपाली ग्राहकहरूको बदलिँदो आवश्यकताअनुसार नयाँ ऊर्जा-आधारित मोबिलिटी समाधानहरूको विविध विकल्प प्रदान गर्छन्।

आकर्षक इलेक्ट्रिक एसयूभी र परिष्कृत सेडानदेखि नवीन बहुउद्देश्यीय मोबिलिटी समाधानसम्म, दिपाल र नेभाे रेन्जले आधुनिक डिजाइन, उन्नत प्रविधि, आराम र स्मार्ट विशेषताहरूलाई एकसाथ समेटेको छ।

धनगढीमा नयाँ शोरुमको उद्घाटनसँगै ग्लोबल प्रालिले सुदूरपश्चिम प्रदेशभरका ग्राहकहरूका लागि यी नवीन मोबिलिटी समाधानहरूलाई अझ सहज रूपमा उपलब्ध गराउने लक्ष्य राखेको छ।

आफ्नो शोरुम तथा ग्राहक सहायता सुविधामार्फत कम्पनीले भरपर्दो सवारी स्वामित्व अनुभव प्रदान गर्न र इलेक्ट्रिक मोबिलिटीप्रति ग्राहकहरूको विश्वास सुदृढ बनाउन प्रतिबद्धता जनाएको छ।