युनाइटेड मोदी हाइड्रोपावरको सीईओमा पाण्डे नियुक्त
काठमाडौं। युनाइटेड मोदी हाइड्रोपावर लिमिटेडको प्रमुख कार्यकारी अधिकृत (सीईओ)मा मनिष पाण्डे नियुक्त भएका छन् ।
उनलाई साउन ५ गते बसेको कम्पनीको सञ्चालक समितिको बैठकले सीईओमा नियुक्त गर्ने निर्णय गरेको हो ।
हाल कम्पनीमा प्रबन्ध सञ्चालक नरहेकाले कम्पनीको नियमावलीको नियम ३६ बमोजिम पाण्डेलाई सीईओमा नियुक्त गरिएको कम्पनी सचिव नारायणप्रसाद आचार्यले बताए।
