संसद विघटन भएपछि नेप्से राताम्य, ९६.८८ अंकले घटेको बजार ९ अर्बको कारोबार

काठमाडौं । साताको पहिलो दिन नेप्से ९६.८८ अंकले गिरवाट आएको छ । प्रतिनिधि सभाको संसद विघटन भएपछि नेप्सेमा ब्यापक पहिरो गएको हो । ओपनिङ समयमा नै नेप्सेमा गिरावट हुँदै जाँदा बन्द हुने समयमा ९६.८८ अंकले गिरवाट आएर १९३५.६३ अंकमा आएर बन्द भएको हो ।

आइतबार सबैभन्दा बढि लाइफ इन्स्योरेन्स र नन-लाइफ इन्स्योरेन्स समूहका लगानीकर्ताले क्रमशः ६६९.६१ अंक र ५२९.०० अंकले गुमाएका छन् । त्यस्तै आज थोरै गुमाउनेमा म्युचुअल फण्ड र फाइनान्स समूहले क्रमश ०.११ अंक र २० अंकले गुमाएका छन् ।

त्यस्तै, आइतबार दिनभरिमा ८ अर्ब ९० करोड ४७ लाख २२ हजार ९५४ रुपैयाँको कारोबार भएको छ । दिनभर १९८ कम्पनीको १ करोड ४३ लाख १५ हजार ७९६ कित्ताको किनबेच हुँदा सबै समूह राताम्य अवस्थामा आएका हुन् ।