अखिलमा नयाँ कार्यसमिति चयनका लागि भिड्न्त, मतदान सुरु हुँदै

काठमाडौं। नेकपा (एमाले) निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को नयाँ कार्यसमिति चयनका लागि मतदान सुरु हुँदैछ ।

बिहान ९ बजेबाट सुरु हुने भनिए पनि प्राविधिक कारणले मतदान सुरु हुन सकेको छैन् । इलेक्ट्रोनिक भोटिङ मेशिनमा उम्मेदवारहरुको बिबरण अपडेट भईरहेको कारण मतदान सुरु हुन ढिलाइ भएको बताइएको छ ।

मतदान अपरान्ह ५ बजेसम्म जारी रहने निर्वाचन कार्यतालिका रहेको छ । अखिलको अध्यक्षका लागि निर्वतमान वरिष्ठ उपाध्यक्ष आरसी लामिछाने, मोति विश्वकर्मा र महासचिव समिक बडाल उम्मेदवार रहेका छन् ।

निर्वाचनबाट आगामी दुई वर्षका लागि एक सय ९९ सदस्यीय केन्द्रीय कमिटी, १७ पदाधिकारी तथा अनुशासन, लेखा र निर्वाचन गरी तीन आयोग निर्वाचित हुनेछन् ।