रिलायबल नेपाल लाइफको आइपीओमा १० हजार ९४७ जनाले दिए आवेदन
काठमाडौं । रिलायबल नेपाल लाइफ इन्स्योरेन्सले प्रिमियम मूल्यमा निष्कासन गरेको आइपीओमा २० करोड ६२ लाख ८३ हजार ६२० रुपैयाँ संकलन भएको छ । सिडिएसका अनुसार आज अर्थात असार २९ गते साँझ ५ः०५ बजेसम्म १० हजार ९४७ जनाले ८ लाख २ हजार ६६० कित्ताका लागि आवेदन दिएका हुन् ।
कम्पनीले पहिलो चरणमा असार २७ गतेदेखि वैदेशिक रोजगारीमा रहेका नेपालीहरुलाई आइपीओ बिक्री खुला गरेको हो । कम्पनीले सर्वसाधारणलाई जारी हुने १ करोड २० लाख कित्ताको १० प्रतिशत अर्थात् १२ लाख कित्ता सेयर वैदेशिक रोजगारीमा रहेका नेपालीहरुलाई निष्कासन गरेको छ । प्रतिकित्ता १५७ रुपैयाँ प्रिमियम थप गरेर २५७ रुपैयाँ दरमा आइपीओ जारी गर्न लागेको हो ।
वैदेशिक रोजगारीमा रहेका नेपालीहरुले यसमा साउन १० गतेसम्म आवेदन दिन सकिनेछ । लगानीकर्ताले न्यूनतम १० कित्तादेखि अधिकतम ५ हजार ४ सय कित्ताको लागि आवेदन दिन सक्नेछन् ।
आइपीओमा सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् । कम्पनीको बिक्री प्रबन्धकमा सिभिल क्यापिटल रहेको छ ।
