काठमाडौं । बंगलादेशको केन्द्रीय बैंकले बैंकबाट नगद झिक्नका लागि दुई लाख रुपैयाँको सीमा तोकेको छ । आज आइतवार (अगस्ट ११) बाट साताभर ग्राहकले एउटै खाताबाट दुई लाख रुपैयाँभन्दा बढी झिक्न पाउने छैनन् ।

२ लाख रुपैयाँको सीमितता तोकेर वाणिज्य बैंकहरूलाई रकम निकासा गर्न निर्देशन दिएको हो। बैंकका प्रबन्ध निर्देशक तथा प्रमुख कार्यकारी अधिकृतहरुलाई शनिबार (अगस्ट १०) पठाइएको आकस्मिक सन्देशमा यस्तो निर्देशन दिइएको हो । सुरक्षाका लागि बैंकबाट नगद झिक्ने अधिकतम सीमा तोकिएको बंगलादेश बैंकले जानकारी दिएको छ ।

जसले शाखाहरूमा रकम स्थानान्तरण गर्न कठिनाइ सिर्जना भइरहे पछि यो निर्देशन जारी गरिएको हो भने रकम निकासीमा प्रतिबन्ध आवश्यक रहेको जनाएको छ । बैंकहरूलाई चेक लेनदेनको अनुगमन बढाउन र कुनै पनि शंकास्पद गतिविधिहरू रोक्न पनि निर्देशन दिइएको छ ।

ठूला मात्रामा नगद निकासीबाट हुन सक्ने बैंकिङ क्षेत्रको सम्भावित अस्थिरतालाई रोक्नका लागि निकासी सीमित गर्ने निर्णय गरिएको हो ।

यसअघि बिहीबार राष्ट्र बैंकले ग्राहकका लागि १ लाख रुपैयाँ झिक्ने सीमा तोकेको थियो । तर, उक्त निर्देशन एक दिन अर्थात बिहीबार मात्रै लागू भएको थियो । तर दुई लाखभन्दा बढी रकम ननिकाल्ने यो निर्देशन साताभर नै कायम छ ।

सरकार परिवर्तनपछि नगद निकाल्ने दबाब अलिकति बढेको बताइएको छ । बंगलादेश बैंकले नगद झिक्न निरुत्साहित गर्ने निर्णय गरेको छ ताकि यी कोषहरू कुनै पनि गैरकानूनी रूपमा प्रयोग हुन नपरोस्। यसैलाई निरन्तरता दिँदै गत बिहीबार राष्ट्र बैंकले एक लाखभन्दा बढी रकम झिक्न रोक लगाएको हो ।

बंगलादेश बैंकका एक अधिकारीले देशमा नयाँ सरकार आएको बताए । तर, प्रहरी पर्याप्त छैन । कसैले पनि नगद लिएर अस्तव्यस्त वातावरण सिर्जना गर्न नपरोस् भनेर सुरक्षाको हितमा यो निर्णय गरिएको हो ।