आज सातवटै प्रदेशले नयाँ बजेट ल्याउँदै
काठमाडौं । देशका सातवटै प्रदेश सरकारहरूले आज आगामी आर्थिक वर्ष २०८२–८३ का लागि बजेट प्रस्तुत गर्दैछन् ।
सातै प्रदेशका आर्थिक मामिला सम्बन्धी मन्त्रीहरूले आ–आफ्नो प्रदेशसभामा बजेट सार्वजनिक गर्ने तयारीमा छन् ।
संविधानअनुसार संघीय सरकारले जेठ १५ गते, प्रदेश सरकारले असार १ गते र स्थानीय तहले असार १० गतेभित्र बजेट ल्याइसक्नुपर्छ ।
बागमती प्रदेशले गत वर्ष ६२ अर्ब ७० करोड रुपैयाँको बजेट सार्वजनिक गरेको थियो । बागमतीले बजेट प्रस्तुत गर्ने कार्यक्रम आज दिउँसो ३ बजे तय गरिएको छ ।
यस्तै, गण्डकी प्रदेशले चालु आर्थिक वर्षमा ३३ अर्ब ४२ करोड ७२ लाख रुपैयाँको बजेट सार्वजनिक गरेको थियो ।
त्यस्तै, लुम्बिनी प्रदेशले अघिल्लो आर्थिक वर्षमा ४० अर्ब ४७ करोड, मधेश प्रदेशले ४४ अर्ब ११ करोड र सुदूरपश्चिमले गत वर्ष २९ अर्ब २६ करोडको बजेट ल्याएका थिए ।
