बतास एमएडब्ल्यू कमर्सियल भेहिकललाई भोल्भो आइसरको ‘सर्वश्रेष्ठ वितरक-दक्षिण एसिया’ को उपाधि

काठमाडाैं । बतास एमएडब्ल्यू कमर्सियल भेहिकलले (बिएमसिभी) १६ जुलाई २०२५ देखि २० जुलाई २०२५ सम्म मलेसियामा भोल्भो आइसर कमर्सियल भेहिकल (भिइसिभी) द्वारा आयोजित अन्तर्राष्ट्रिय वार्षिक डिलर सम्मेलन २०२५मा प्रतिष्ठित ‘सर्व श्रेष्ठ वितरक – दक्षिण एसिया’ पुरस्कारबाट सम्मानित भएको छ।

यो पुरस्कार भिइसिभीका एमडी तथा सिइओ विनोद अग्रवालले प्रदान गरेका हुन् भने भिइसिभी कासबै अन्तर्राष्ट्रिय वितरकहरूको उपस्थितिमा हेमन्त पुराणिक (भीपी – माओ इन्टरप्राइजेज) र शान्ता राजबतास (एमडी – बतास माओ कमर्सियल्स भेइकल) ले ग्रहण गरेका हुन्।

दक्षिणएसिया भिइसिभीको अन्तर्राष्ट्रिय व्यापारको लागि सबैभन्दा महत्त्वपूर्ण क्षेत्र हरू मध्ये एक हो र यसक्षेत्रमा उत्कृष्ट वितरकको रूपमा सम्मानित हुनु बिएमसिभी कोलागि एउटा ऐतिहासिक उपलब्धि हो। बिक्री तथा बिक्रीपछिको सेवावृद्धि, बजार साझेदारी आदि जस्ता विभिन्न पक्षहरुको गहन मूल्याङ्कनको आधारमा भिइसिभीका १० प्रतिष्ठित विज्ञहरूको निर्णायक मण्डलले पुरस्कारलाई अन्तिम रूप दिएको हो।

बिएमसिभी नेपालमा भोल्भो आइसर कमर्सियल भेहिकलको बिक्री, वितरण र बिक्रीपछिको सेवाको लागि जिम्मेवार छ। विगत एकवर्षमा, बिएमसिभीको प्रदर्शन दोब्बर भएको छ, जसले यसलाई नेपालमा सबैभन्दा छिटो बढ्दो व्यावसायिक सवारी वितरकको रूपमा स्थान दिएको छ।

भोल्भो आइसर कमर्सियल भेहिकलले नेपालमा सफलता पूर्वक बलियो उपस्थिति स्थापित गरेको छ।तिनीहरूका साना, मध्यम र भारी सवारी साधनहरू नेपालको भूभागमा राम्रोसँग उपयुक्त छन्। भिइसिभीले भर्खरै सुरु गरेको प्रिमियम लक्जरी कोच, ‘म्याजेस्टिक’, नेपालमा तिब्र बिक्रीहुने प्रिमियम कोच बनेको छ र देशभर उत्साहका साथ यसलाई अँगालिएको छ। भविष्यलाई हेर्दा, बिएमसिभी नेपालमा सकेसम्म चाँडो नम्बर १ व्यावसायिक सवारी ब्रान्ड बन्न पूर्णरूपमा प्रतिवद्ध छ।

प्रतिष्ठित समग्र उत्कृष्ट डिलर अवार्ड प्राप्त गरेको अवसरमा सम्बोधन गर्दै, माओ कमर्सियल भेहिकलका उपाध्यक्ष हेमन्त पुराणिकले भने, “यो अवार्ड हाम्रो टोलीको जोश र प्रतिबद्धता, हाम्रो बोर्डको अटल समर्थन र हाम्रा ग्राहकहरूको अपार विश्वास, र भिइसिभीमा हाम्रा साझेदारहरू सँगको बलियो सहकार्यको प्रमाण हो। यस्तो महत्त्वपूर्ण क्षेत्रमा उत्कृष्टको रूप मामान्यता पाउनु प्रेरणादायी छ।हामी आगामी वर्षहरूमा स्तर अझ माथि उठाउन कटिबद्ध छौं।”