दोर्दी खोला जलविद्युत कम्पनीको साधारण सभा स्थगित

काठमाडौं । दोर्दी खोला जलविद्युत कम्पनी लिमिटेडको वार्षिक साधारण सभा स्थगित भएको छ।

कम्पनीले आर्थिक वर्ष २०७८/७९ को समीक्षा गर्न आज, पुस २१ गते सोमबार आयोजना गर्ने भनिएको वार्षिक साधारण सभा गणपूरक संख्या नपुगेको कारण स्थगित गरिएको जनाएको छ।

सञ्चालक समितिले साधारण सभाका लागि आवश्यक गणपूरक संख्या पूरा नभएका कारण सभालाई स्थगित गर्ने निर्णय गरेको हो। कम्पनीले अब पुनः सूचना प्रकाशित गरी दोश्रो पटक वार्षिक साधारण सभा आह्वान गरेपछि मात्र सभा आयोजना गरिनेछ।