शाखा सञ्जालका आधारमा २७ वाणिज्य बैंकमध्ये कुन बैंक कति अब्बल ?
काठमाडौं । पछिल्लो समय बैंकहरूमा ब्यापक रुपमा प्रतिस्पर्धा बढिरहेको छ । आफूलाई नम्बर १ बनाउन र आफ्नो ब्यापार वृद्धि गर्न बैंकहरूमा प्रतिस्पर्धा बढिरहेको हो । आफ्नो छवि राम्रो बनाउन तथा आफूलाई अब्बल दर्जाको बनाउन बैंकहरूले नयाँनयाँ प्रोडक्ट ल्याएर ग्राहक तानिरहेका हुन्छन् । विभिन्न नयाँ तरिका अपनाएर भएपनि बैंकहरूमा कसरी ब्यापार वृद्धि गर्ने र ग्राहकलाई राम्रो सेवा सुविधा दिने भन्नेतर्फ बढी केन्द्रित रहेका हुन्छन् । जसमा केही वाणिज्य बैंकहरूले ग्राहक संख्या बढाउन अथवा आफ्नो सेवालाई देशव्यापी बनाउन शाखा सञ्जाल विस्तार कार्य तिव्र पारिरहेका छन् ।
कुन बैंकको कति शाखा सञ्जाल रहेका छन्, विस्तृत रुपमा जानकारी गराउन खोजिएको छ । बैंकहरुले पठाएको प्रेस रिलिज र वेभसाइटमा राखिएको विवरणका आधारमा यो समाचार तयार पारिएको हो । यसमा थपघट पनि हुन सक्छ ।
१. माछापुच्छ्रे बैंक लिमिटेड
बैंकले देशभरि १६१ वटा शाखा, १७५ वटा शाखारहित बैंकिङ्ग सेवा, ५ वटा एक्सटेन्सन काउन्टर र २०३ वटा एटिएममार्फत देशभरि सेवा दिइरहेको छ । बैंकका अनुसार १० लाख भन्दा बढि ग्राहक संख्या रहेका छन् ।
२. नबिल बैंक लिमिटेड
नबिल बैंकका देशभरिमा १३५ वटा शाखा र १८५ वटा एटिएम मेसिन रहेका छन् । बैंकका अनुसार १ हजार ५ सयभन्दा बढि नबिल रेमिट एजेन्टहरू रहेका छन् ।
३. ग्लोबल आइएमई बैंक लिमिटेड
ग्लोबल आइएमई बैंकका मुलुकभर २८० वटा शाखा, २५० वटा एटिएम, २५७ वटा शाखारहित बैंकिङ्ग सेवा र ४७ एक्सटेन्सन तथा राजश्व संकलन काउन्टर रहेका छन् । बैंकले ३ वटा वैदेशिक प्रतिनिधि कार्यालयसमेत गरी करिब ८ सय सेवा केन्द्रबाट २३ लाख भन्दा बढि ग्राहकलाई सेवा प्रदान गरिरहेको छ ।का
४. एनआईसी एशिया बैंक लिमिटेड
एनआईसी एशिया बैंकका मुलुकभर ३५६ वटा शाखा कार्यालय, ४७२ वटा एटिएम, ७० वटा विस्तारित काउन्टर र ८१ वटा शाखा रहित बैंकिङ्ग मार्फत बैंकिङ्ग सेवा प्रदान गरिरहेको छ । मुलुककै सबैभन्दा ठूलो शाखा सञ्जाल भएको बैंक भएको दाबी बैंकले गरेको छ । हालसम्म बैंकका २७ लाख ३६ हजार भन्दा बढी निक्षेप खाता एवं ९१ हजार भन्दा बढी कर्जा खाता गरी २८ लाख २७ हजार भन्दा बढी खाता रहेका छन् । देशको कुल जनसङ्ख्यामध्ये २० वर्ष देखि ५० वर्ष उमेर सतहसम्मको आर्थिक रुपमा सक्रिय जनसङ्ख्याको करिब २५ प्रतिशत जनतालाई सेवा दिन बैंक सफल भएको पनि बैंकले दाबी गरेको छ ।
५. प्रभु बैंक लिमिटेड
प्रभु बैंकका देशभरिमा २१३ वटा शाखा कार्यालय, ५७ एक्सटेन्सन काउन्टर र १८९ वटा एटिएम मेसिन सञ्चालनमा छन् ।
६. मेगा बैंक नेपाल लिमिटेड
मेगा बैंकको देशभरिमा २ सय वटा शाखा, १३८ वटा एटिएम मेसिन, २४ वटा एक्सटेन्सन काउन्टर र ५७ वटा शाखारहित बैंकिङ्ग सेवा सञ्चालनमा रहेका छन् । बैंकले चालु आवभित्रै नै १३ वटा नयाँ शाखाहरु विस्तार गरिसकेको जनाएको छ । निकट भविष्यमै थप ३ वटा शाखा विस्तार गर्ने बैंकको तयारी छ ।
७. नेपाल इन्भेष्टमेन्ट बैंक लिमिटेड
नेपाल इन्भेष्टमेन्ट बैंकका देशभरिमा ८८ वटा शाखा, १३० एटिएम मेसिन, २९ वटा एक्सटेन्सन तथा राजश्व संकलन काउन्टर र ५८ वटा शाखारहित बैंकिङ्ग सेवामार्फत ग्राहकहरूलाई सेवा दिइरहेको छ ।
८. सनराइज बैंक लिमिटेड
सनराइज बैंक लिमिटेडको मुलुकभर १४० वटा शाखा कार्यालय, १६१ वटा एटिएम, १२ वटा एक्सटेन्सन काउन्टर र ९२ वटा शाखारहित बैंकिङमार्फत सेवा प्रदान गर्दै आइरहेको छ ।
९. नेपाल बैंक लिमिटेड
नेपाल बैंक लिमिटेडका देशभरिमा २१७ वटा शाखा कार्यालय, ११४ वटा एटिएम मेसिन, ३८ वटा एक्सटेन्सन काउन्टर सञ्चालनमा रहेका छन् ।
१०. हिमालयन बैंक लिमिटेड
हिमालयन बैंकका देशभरिमा ६९ शाखा कार्यालय, १३८ वटा एटिएम मेसिन ४ वटा एक्सटेन्सन काउन्टर सञ्चालनमा रहेका छन् ।
११. लक्ष्मी बैंक लिमिटेड
११. लक्ष्मी बैंकले १७३ वटा शाखा कार्यालय, १६७ वटा एटिएम मेसिन, ६ वटा एक्सटेन्सन काउन्टर, ६१ वटा शाखारहित बैंकिङ्गमार्फत सेवा दिइरहेको छ ।
१२. राष्ट्रिय वाणिज्य बैंक लिमिटेड
राष्ट्रिय वाणिज्य बैंकले २५४ वटा शाखा कार्यालय, २१६ वटा एटिएम मेसिन र ९८ वटा शाखा रहित बैंकिङ्गमार्फत सेवा दिइरहेको छ । बैंकले ७७ जिल्लामा बैंकको सेवा पुगेको दावी गरेको छ ।
१३. सेञ्चुरी कमर्सियल बैंक लिमिटेड
सेञ्चुरी कमर्सियल बैंकले १२६ वटा शाखा कार्यालय, २४ वटा शाखारहित बैंकिङ्ग, १० वटा एक्सटेन्सन काउन्टर र ८३ वटा एटिएम मेसिनमार्फत ग्राहकलाई सुविधा दिइरहेको छ ।
१४. कृषि विकास बैंक लिमिटेड
कृषि विकास बैंकले २८० वटा शाखा कार्यालय, ९२ वटा एटिएम मेसिन र १९ वटा एक्सटेन्सन डाक्टरमार्फत आफ्नो सेवा प्रदान गर्दै आएको छ ।
१५. सिटिजन्स इन्टरनेशन बैंक लिमिटेड
सिटिजन्स इन्टरनेशन बैंकले १८३ वटा शाखा कार्यालय, १२१ वटा एटिएम मेसिन, १ वटा एक्सटेन्सन काउन्टर र ११३ वटा शाखारहित बैकिङ्गमार्फत आफ्नो सेवा ग्राहकहरूलाई दिइरहेको छ । बैंकका अनुसार हालसम्म १२ लाख ग्राहक रहेका छन् ।
१६. एनसीसी बैंक लिमिटेड
एनसीसी बैंकले १३५ वटा शाखा कार्यालय, १० वटा एक्सटेन्सन काउन्टर र ११० वटा एटिएम मेसिनमार्फत आफ्नो सेवा दिइरहेको छ ।
१७. कुमारी बैंक लिमिटेड
कुमारी बैंकले १९६ वटा शाखा कार्यालय, ३४ वटा शाखारहित बैंकिङ्ग सेवा, १३ वटा एक्सटेन्सन काउन्टर र १६५ वटा एटिएम मेसिनमार्फत सेवा प्रदान गरिरहेको छ ।
१८. एनएमबि बैंक लिमिटेड
एनएमबि बैंकले १८१ वटा शाखा कार्यालय, ९ वटा एक्सटेन्सन काउन्टर र १३७ वटा एटिएममार्फत सेवा दिइरहेको छ ।
१९. नेपाल एसबिआई बैंक लिमिटेड
नेपाल एसबिआई बैंकले १२१ वटा शाखा, ६ वटा शाखारहित बैंकिङ्ग सेवा, १९ वटा एक्सटेन्सन काउन्टर १२२ वटा एटिएम मेसिन सञ्चालनमा रहेका छन् ।
२०. सानिमा बैंक लिमिटेड
सानिमा बैंकका ९० वटा शाखा र एक्सटेन्सन काउण्टर २७ सञ्चालनमा रहेका छन् ।
२१. एभरेष्ट बैंक लिमिटेड
एभरेष्ट बैंकका देशभरिमा १०५ वटा शाखा कार्यालय, १३७ वटा एटिएम, ३१ वटा राजश्व संकलन काउन्टर, ३ वटा एक्सटेन्सन काउन्टर सञ्चालनमा रहेका छन् ।
२२. सिद्धार्थ बैंक लिमिटेड
सिद्धार्थ बैंकले २०९ वटा एटिएम मेसिन, १८९ वटा शाखा कार्यालयबाट सेवा प्रदान गरिरहेका छ । ११४ वटा शाखारहित बैंकिङ्ग, ३ एक्सटेन्सन डाक्टरमार्फत सेवा प्रदान गरिरहेको छ ।
२३. बैंक अफ काठमाण्डू लिमिटेड
बैंक अफ काठमाण्डूले ९० वटा शाखा कार्यालय, २५ वटा शाखारहित बैंकिङ्ग सेवा, १० वटा एक्सटेन्सन काउन्टर र ८० वटा एटिएममेशिनमार्फत सेवा प्रदान गरिरहेका छ
२४. स्टाण्डर्ड चार्टड बैंक लिमिटेड
स्टाण्डर्ड चार्टड बैंकका १२ वटा शाखा कार्यालय र १६ वटा एटिएम मेसिन सञ्चालन रहेका छन् ।
२५. नेपाल बङ्गलादेश बैंक लिमिटेड
नेपाल बङ्गलादेश बैंकले १ सय वटा शाखा कार्यालय ९ वटा एक्सटेन्सन काउन्टर र ८१ वटा एटिएममेशिन मार्फत सेवा दिइरहेको छ ।
२६. प्राइम बैंक लिमिटेड
प्राइम बैंकले १९० वटा शाखा कार्यालय र १०८ वटा एटिएममार्फत ग्राहकलाई सेवा दिइरहेको छ ।
२७. सिभिल बैंक लिमिटेड
सिभिल बैंकले ११५ वटा शाखा कार्यालय, १० वटा एक्सटेन्सन काउन्टर र ८६ वटा एटिएम मेसिनमार्फत सेवा प्रदान गरिरहेको छ ।
