एमजी विन्टर एक्सचेन्ज कार्निभल-२०२४ डिसेम्बर २० देखि काठमाडौंमा हुने
काठमाडौं । एमजी विन्टर कार्निभल २०२४ डिसेम्बर २० देखि २२ सम्म सिल्भर ओक, बालुवाटार, काठमाडौंमा आयोजना हुने भएको छ। यस कार्यक्रममा एमजी, माज्दा, म्याक्सस, र वुलीङ लगायतका प्रमुख लक्जरी अटोमोबाइल ब्रान्डहरू प्रस्तुत हुनेछन् ।
जसले सहभागीहरूलाई प्रिमियम सवारी साधनहरूको दायरा अन्वेषण गर्ने लगायत विभिन्न अवसर प्रदान गर्नेछ। एमजी शीतकालीन विन्टर २०२४ का मुख्य आकर्षणहरू विशेष एक्सचेन्ज अफरहरू, अन-द-स्पट फाइनान्सिङ, टेस्ट ड्राइभ, मनोरञ्जन, खाना र खाजा, रमाईलो गतिविधिहरूका साथै किड्स प्ले जोन छन् ।
प्रदर्शनमा रहेका कुनै पनि लक्जरी गाडीहरूमा अपग्रेड गर्दा एक्सचेन्ज मूल्य र १० लाखसम्म एक्सचेन्ज बोनस प्राप्त गर्न सकिनेछ । तत्काल सवारी खरिदका लागि उपलब्ध सुविधाजनक र झन्झटमुक्त फाइनान्सिङ पाइनेछ।
प्रिमियम सवारी साधन चलाउने रोमाञ्चक अनुभव प्राप्त गर्न सकिन्छ । उत्सवको वातावरणलाई अभिवृद्धि गर्न संगीत र प्रदर्शनहरूको आनन्द लिन सकिन्छ ।नेपाल प्रिमियर लिगको फाइनल फाइनलको प्रत्यक्ष अवलोकन गर्न सकिने आयोजनले जनाएको छ ।
