ट्रम्पको जीतसँगै विश्वअर्थतन्त्रमा सकरात्मक माहोल, डलरको भाउले बनायो कीर्तिमानी उचाई

काठमाडौं । अमेरिकी डलरको भाउले फेरि ऐतिहासिक उचाई कायम गरेको छ । बिहीबा डलरको भाउ हालसम्मकै महँगो बनेको छ ।

नेपाल राष्ट्र बैंकका अनुसार आज अर्थात् कात्तिक २२ गतेका लागि एक अमेरिकी डलरको भाउ (बिक्रीदर) १३५ रुपैयाँ १६ पैसा तोकिएको छ । यता, खरिददर १३४ रुपैयाँ ५६ पैसा कायम भएको छ । डलरको भाउ हालसम्मकै उच्च हो ।

राष्ट्र बैंकका अनुसार बुधबार लागि एक अमेरिकी डलरको बिक्रीदर १३४ रुपैयाँ ८८ पैसा र खरिददर १३४ रुपैयाँ २८ पैसा तोकिएको थियो ।
बुधवार नै अमेरिकी राष्ट्रपति डोनाल्ड ट्रम्प चयन भएका छन् । उनी निर्वाचित भएसँगै विश्वअर्थतन्त्रमा नै सकारात्मक रौनकता छाएको छ । राष्ट्रपतिमा ट्रम्प निर्वाचित भएसँगै डलरको भाउ पनि कीर्तिमानी उचाईमा पुगेको छ ।

बिहीबारका लागि एक युरोको बिक्रीदर १४४ रुपैयाँ ८६ पैसा र खरिददर १४४ रुपैयाँ २१ पैसा, बेलायती पाउन्ड १ को बिक्रीदर १७३ रुपैयाँ ९७ पैसा र खरिद दर १७३ रुपैयाँ २० पैसा तोकिएको छ।

राष्ट्र बैंकका अनुसार आजका लागि अष्ट्रेलियन डलर एकको खरिददर ८८ रुपैयाँ ३३ पैसा र बिक्रीदर ८८ रुपैयाँ ७३ पैसा, क्यानेडियन डलर एकको खरिददर भने ९६ रुपैयाँ ९५ पैसा र बिक्रीदर ९७ रुपैयाँ १८ पैसा कायम भएको छ ।

आज कुन मुद्राको सटही दर कति ?