एनसेलले फेरि ल्यायो ‘ह्याप्पी आवर अन रिचार्ज’ अफर
काठमाडौं । एनसेलर्ले ह्याप्पी आवर अन रिचार्ज’ अफर ल्याएको छ । अफरअन्तर्गत ग्राहकले १०० र यस भन्दामाथिको प्रत्येक रिचार्ज बापत भ्वाइस सेवामा छुट प्राप्त गरी यसको फाइदा लिन सक्नेछन् ।
यो अफर फागुन १५ गतेदेखि लागु हुनेछ । यस भ्यालेन्टाइन महिनाको अवसरमा संचालनमा ल्याइएको यो अफर अन्तर्गत एनसेलका प्रिपेड ग्राहकले मात्र ९९ पैंसा प्रतिमिनेट (कर सहित १.२६ पैसा) मा एनसेल नेटवर्क्भित्र कुरा गर्न सक्नेछन् ।
भ्वाइस सेवामा पाइने छुट बिहान ८ बजेबाट दिउँसो ३ बजेभित्रको समयमा लागु हुनेछ । यस अफरबाट फाइदा लिनका लागि ग्राहकले एस्टिक्स १७१०६ ह्यास् डायल गरी आफूलाई अफरमा निःशुल्क रुपमा सहभागी गराउन सक्छन् ।
यसरी अफर सूचारु गरी सकेपछि ग्राहकले रिचार्ज रकमका आधारमा भ्वाइस सेवामा विभिन्न समयसीमा रहेका छुटबाट लाभ लिन सक्नेछन् । ग्राहकले रु १०० रिचार्ज गर्दछन् भने ९९ पैसा प्रतिमिनेट छुटको लाभ ७ दिनका लागि पाउनेछन् । २००, ३०० र ५०० सय रिचार्ज गर्ने ग्राहकले यो छुटको लाभ क्रमशः १४ दिन, २१ दिन र ३० दिनका लागि लिन सक्नेछन् ।
यसैगरी ग्राहकले १,००० रिचार्ज गर्दछन् भने यो छुटको लाभ रकम रिचार्ज गरेको दिनबाट ६० दिनका लागि पाउनेछन् । यो अफरले ग्राहकलाई आफ्ना प्रियजनसँग थप नजिक रहन मद्दत र्पुयाउनु साथै आफ्ना सम्बन्धलाई अझै प्रगाढ बनाउन योगदान र्पुयाउने विश्वास एनसेलले लिएको छ ।
यो अफर ९० दिन सम्म संचालनमा रहनेछ । ग्राहकले एस्टिक्स १७१०६ एस्टिक्स १ ह्यास् डायलगरी आफूले सूचारु गरेको अफरको समयसीमा सजिलै थाहा पाउन सक्नेछन् ।
