अमेरिकी डलरको मूल्य हालसम्मकै उच्च « Artha Path
४ बैशाख २०७७, बिहीबार

अमेरिकी डलरको मूल्य हालसम्मकै उच्च



काठमाडौं । अमेरिकी डलर हाल सम्मकै उच्च मुल्य पुगेको छ । बिहीबार अमेरिकी डलर २७ पैसाले बढेर हालसम्मकै उच्च मूल्य कायम भएको हो । अमेरिकी डलरको खरिद मूल्य १२२ रुपैयाँ १ पैसा कायम भएको छ भने बिक्री मूल्य १२२ रुपैयाँ ६१ पैसा कायम भएको छ। बुधबार प्रतिडलरको खरिद मूल्य १२१ रुपैयाँ ७४ पैसा र बिक्री मूल्य १२२ रुपैयाँ ३४ पैसा रहेको थियो।

महामारीका रुपमा फैलिएको कोरोनाभाइरसको त्रास विश्व अर्थतन्त्र खस्किएको बेला अमेरिकी डलर झन बलियो बन्दै गएको छ। भारतीय रुपियाँ कमजोर भएसँगै डलर महंगिएको हो।

नेपाली रुपैयाँको डलरसँग प्रत्यक्ष विनिमय दर निर्धारण हुँदैन। भारतीय रुपियाँसँगको स्थिर विनिमय दरका कारण भारतीय रुपियाँ कमजोर हुँदा नेपाली रुपैयाँ पनि कमजोर हुने गर्दछ ।


प्रतिक्रिया दिनुहोस्