बालुवाटारमा मन्त्रिपरिषद् बैठक जारी, यस्ता छन् आजका एजेण्डा
काठमाडौं । मन्त्रिपरिषद्को बैठक प्रधानमन्त्री निवास बालुवाटारमा सुरु भएको छ ।
मुुलुकमा कोरोना भाइरस संक्रमितको संख्या बढ्दै गएपछि थप रणनीति बनाउन मन्त्रिपरिषद बोलाईएको स्रोतले बतायो । यसअघि सोमबार पनि नियमित मन्त्रिपरिषद बैठक बसेको थियो ।
आजको बैठकले कोभिड–१९ को संक्रमण बढ्दै गएको भन्दै केही महत्वपूर्ण निर्णय गर्ने बुझिएको छ । प्रधानमन्त्रीले थप रणनीति बनाउन कोभिड १९ संकट व्यवस्थापन केन्द्रलाई यसअघि निर्देशन दिइसकेका छन् ।
विदेशमा अलपत्र परेका नेपाली नागरिकलाई स्वदेश फर्काउने एजेण्डा लगायतका महत्वपूर्ण विषयमा निर्णय गर्न मन्त्रिपरिषद्को बैठक बसिरहेको छ।
