गभर्नर सिफारिस समितिको बैठक बस्दै, सम्भावित उम्मेदवारबारे छलफल हुने अपेक्षा
काठमाडौं । गभर्नर सिफारिस समितिको बैठक बोलाइएको छ । गभर्नर नियुक्ति प्रक्रिया अघि बढाउने तयारी स्वरूप समितिका संयोजक अर्थमन्त्री विष्णु पौडेलले बैठक आह्वान गरेका हुन् ।
बैठक आजै दिउँसो ४ बजे बस्ने तयारी छ ।
सिफारिस समितिमा पूर्व गभर्नर महाप्रसाद अधिकारी र अर्थशास्त्री डा. पोषराज पाण्डे पनि सदस्यको रूपमा छन्। बैठकमा गभर्नर छनोटका लागि आवश्यक प्रक्रिया र सम्भावित उम्मेदवारबारे छलफल हुने अपेक्षा गरिएको छ ।
पछिल्लो समय गभर्नर नियुक्तिको विषयले राजनीतिक चासो समेत पाएको सन्दर्भमा समितिको बैठक महत्वपूर्ण मानिएको छ ।
