आज २ बजे प्रमुख तीन दलका शीर्ष नेताहरूको बैठक बस्दै
काठमाडौं । आज प्रधानमन्त्री केपी शर्मा ओलीसहित प्रमुख तीन दलका शीर्ष नेताहरूको बैठक बस्ने भएको छ ।
बुधवार दिउँसो ३ बजे डाकिएको थियो । बैठक आजका लागि सारिएको थियो । बैठक आज २ बजे सिंहदरबारस्थित प्रधानमन्त्री तथा मन्त्रिपरिषद् कार्यालयमा बस्ने भएको हो । बैठकमा समसामयिक राजनीतिक विषयहरूमा छलफल हुने बताइएको छ।
बैठकमा प्रधानमन्त्री ओलीसँगै नेपाली कांग्रेसका सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’ सहभागी हुनेछन ।
उक्त बैठकमा प्रतिनिधिसभामा राष्ट्रिय प्रजातन्त्र पार्टीले गर्दै आएको अवरोध, हालका राजनीतिक गतिविधिहरू तथा संसदको सहज सञ्चालनबारे छलफल हुनेछ ।
