प्रधानमन्त्री ओली स्पेन भ्रमण सकेर स्वदेश फिर्ता
काठमाडौं । प्रधानमन्त्री केपी शर्मा ओली स्पेन भ्रमण सकेर बिहीबार स्वदेश फर्किएका छन् ।
संयुक्त राष्ट्रसंघको आयोजनामा सेभिया, स्पेनमा सम्पन्न ‘विकासका लागि वित्त’ सम्बन्धी अन्तर्राष्ट्रिय सम्मेलनमा सहभागी हुन प्रधानमन्त्री ओली असार १४ गते त्यसतर्फ प्रस्थान गरेका थिए ।
सम्मेलन र अन्य भेटघाटहरू सकेपछि उनी कतार एयरवेजमार्फत दोहा हुँदै त्रिभुवन अन्तर्राष्ट्रिय विमानस्थलमा अवतरण गरेका हुन् । प्रधानमन्त्रीको भ्रमण टोलीमा २१ जना सहभागी थिए ।
