नेप्से ७.३५ अंक बढ्यो, १ अर्ब ७९ करोडको कारोबार
काठमाडौं । नेप्से परिसूचक मंगलबार ०.४९ प्रतिशतले बढेको छ । मंगलबार नेप्से ७.३५ अंक बढेर १४९५.१५ विन्दुमा पुगेको छ । आज सेन्सेटिभ इण्डेक्स ०.८३ अंकले बढेर २९९.४७ विन्दुमा पुगेको छ । यस दिन १९० कम्पनीको २३ हजार २९७ पटकको कारोबारमा १ अर्ब ७९ करोड ८३ लाख ६३ हजार रुपैयाँ बराबरको ४१ लाख ८० हजार कित्ता शेयर खरिदबिक्री भएको छ ।
मंगलबार ५ कम्पनीको शेयर सर्किट लेभलमा कारोबार भएको छ । यस दिन ४ कम्पनीको शेयर सकारात्मक सर्किट लेभलमा कारोबार भएको हो भने १ कम्पनीको नकारात्मक सर्किट लेभलमा कारोबार भएको हो ।
मंगलबार कारोबारमा आएका १२ उपसमूहमध्ये १० उपसमूहको परिसूचक बढेको छ भने बाँकी २ उपसमूहको परिसूचक घटेको छ । यस दिन व्यापार उपसमूहको परिसूचक सर्वाधिक ८.५८ प्रतिशत बढेको छ । त्यसैगरी, उत्पादन तथा प्रशोधन उपसमूहको परिसूचक २.७४ प्रतिशत, जलविद्युतको १.९७ प्रतिशत र अन्यको १.२७ प्रतिशत बढेको छ । कारोबारमा आएको बैंकिङ्ग र होटल उपसमूहको परिसूचक क्रमशः ०.२४ प्रतिशत र ०.३३ प्रतिशत घटेको छ ।
