सांसदलाई दसैं भत्ता फिर्ता गर्न कांग्रेसको निर्देशन
काठमाडौं । प्रमुख प्रतिपक्षी दल नेपाली कांग्रेसले संघीय संसदमा प्रतिनिधित्व गर्ने पार्टीका सांसदहरुलाई दसैं भत्ता फिर्ता गर्न निर्देशन दिएको नै दिएको छ ।
संसदीय दलका नेतासमेत रहेका सभापति शेरबहादुर देउवाले सोमबार सांसदहरुलाई भत्ता फिर्ता गर्न निर्देशन दिएका छन ।
उनले संसदीय दललाई पनि भत्ता फिर्ता गर्न निर्देशन दिइसक्नुभएको छ,’ कांग्रेस संसदीय दलका एक नेताले बताएका छन ।
कोरोना महामारीका कारण जनता भोकभोकै भएको अवस्थामा सांसदहरुले भत्ता लिनु उपयुक्त नहुने भएर यस्तो निर्देशन दिएको उनले बताए । उनले भने, ‘सरकारले परीक्षण पनि नगर्ने र उपचार पनि नगर्ने जस्ता निर्णय गरेर गैरजिम्मेवारी प्रस्तुत गरेको छ।’
प्रतिनिधिसभामा कांग्रेसका ६३ र राष्ट्रिय सभामा ६ जना सांसद छन्। संघीय सांसदहरूले ६४ हजार ७० रुपैयाँ दसैं भत्ता पाएका थिए।
