महासंघको निर्वाचनः मत गणना सुरु, ढकाल प्यानलको विजयी शुरु, केन्द्रीय सदस्यमा कुँवर विजयी
काठमाडौं । नेपाल उद्योग वाणिज्य महासंघको ५४ औं वार्षिक साधारण सभाको शनिबार सम्पनन निर्वाचनकोे साँझ ६ बजेबाट मतगणना सुरु भएको छ । तीन वटै समुहको मतगणना सुरु भएको छ ।
त्यस्तै, क्रममा संस्थापक संघ तर्फबाट दामु अधिकारी केन्द्रिय सदस्यमा विजयी भएका छन् । उनी ढकाल प्यानबाट निर्वाचनमा खडा भएका थिए । दामुले ७ मत ल्याएर जिते भने उनका निकटतम् प्रतिद्वन्द्वी उत्तमलाल चुकेले ५ मत ल्याए ।
सुदूरपश्चिमबाट नेपाल उद्योग वाणिज्य महासंघको केन्द्रीय सदस्यमा पुष्पराज कुँवर विजयी भएका छन् । कैलाली उद्योग वाणिज्य संघका अध्यक्षसमेत रहेका कुँवर प्रतिद्वन्द्वी देवबहादुर रोकायालाई पराजित गर्दै केन्द्रीय सदस्यमा विजयी भएका हुन् । कुँवरले कुल खसेको १० मध्ये ८ मत प्राप्त गरेर विजयी भएका हुन् । उनका प्रतिद्वन्द्वी देवबहादुर रोकायाले २ मत मात्रै प्राप्त गरेका छन् ।
