सुनचाँदीको भाउ घट्यो, प्रतितोला कति ?
काठमाडौं । आज सोमबार नेपाली बजारमा सुनचाँदीको भाउ घटेको छ । नेपाल सुनचाँदी व्यवसायी महासंघका अनुसार यस दिन सुन ३ सय र चाँदी १५ रुपैयाँले घटेको हो ।
आज सुन तोलामा ३ सयले घटेर छापावाला सुन प्रतितोला ९४ हजार ३ सय र तेजावि सुन प्रतितोला ९३ हजार ८ सय रुपैयाँमा कारोबार भइरहेको छ । त्यसैगरी आज चाँदी तोलामा १५ रुपैयाँले घटेर प्रतितोला १ हजार २ सय ८० रुपैयाँमा किनबेच भइरहेको छ।
हिजो छापावाला सुन प्रतितोला ९४ हजार ६ सय, तेजावी सुन ९४ हजार १ सय र चाँदी प्रतितोला १ हजार २ सय ९५ रुपैयाँमा कारोबार भएको थियो ।
