१२.०७ प्रतिशत लाभांश पारित गर्न मेगा बैंकको साधारण सभा मंसिर २८ गते, बुक क्लोज कहिले ?
काठमाडौं । मेगा बैंक नेपाल लिमिटेडले आफ्नो वार्षिक साधारण सभा बोलाएको छ । बैंकले गत आर्थिक वर्षको मुनाफाबाट शेयरधनीहरुलाई घोषणा गरेको लाभांश पारित गर्न साधारण सभा बोलाएको हो ।
बैंकले ११ औं वार्षिक साधारण सभा मंसिर २८ गते, मंगलबार, नेपाल प्रज्ञा प्रतिष्ठान, कमलादीमा बिहान ११ः१५ बजे बोलाएको हो ।
बैंकको सभाले हाल कायम चुक्ता पूँजीको १० प्रतिशत बोनस शेयर र २.०७ प्रतिशत नगद लाभांश गरी १२.०७ प्रतिशत लाभांश वितरण गर्ने विशेष प्रस्ताव पारित गर्नेछ ।
त्यस्तै, सभाले अन्य उपयुक्त बैंक तथा वित्तीय संस्था मर्जर अथवा एक्विजिशन सम्बन्धी सम्पूर्ण कार्य गर्न सञ्चालक समितिलाई अख्तियारी दिने, लेखापरीक्षक नियुक्ति गर्ने लगायतका प्रस्तावहरु पारित गर्नेछ ।
साधारण सभा प्रयोजनार्थ बैंकले मंसिर १४ गते बुकक्लोज गर्ने निर्णय गरेको छ । त्यसैले मंसिर १३ गतेसम्म नेप्सेमा कारोबार भइ कायम शेयरधनीहरुले बैंकको साधारण सभामा भाग लिन पाउने र लाभांश प्राप्त गर्न सक्नेछन् ।
