अधिकांश लघुवित्तले घोषणा गरे लाभांशः महिलाले सबैभन्दा धेरै दिँदा एनआईसी एशिया पुच्छारमा, अन्य कसको कति ?

काठमाडौं । नेपाल राष्ट्र बैंकको तथ्याङ्क अनुसार हालसम्म ६७ वटा लघुवित्त वित्तीय संस्थाहरु सञ्चालनमा रहेका छन् । गत आर्थिक बर्ष २०७७–७८ को अन्तिमसम्मा ७० वटा लघुवित्त सञ्चालनमा थिए । चालु आवको कात्तिक मसान्तसम्ममा विभिन्न ३ वटा लघुवित्त मर्जर तथा एक्वीजिशन भएर ६७ वटामा झरेका छन् ।

नेपाल स्टक एक्सचेञ्ज (नेप्से) मा ५६ वटा लघुवित्त सूचीकृत रहेका छन् । जसमा विभिन्न लघुवित्त मर्जरमा गएपछि हाल ४९ वटा मात्रै लघुवित्त सूचीकृत छन् । ४९ वटा लघुवित्त मध्ये हालसम्म आरम्भ चौतारी, ग्रामीण विकास, किसान लघुवित्त, नयाँ सारथी लघुवित्त, नेपाल सेवा लघुवित्त, मानुषी लघुवित्त, जीवन विकास लघुवित्त र सामुदायीक लघुवित्तले लाभांश घोषणा गरेका छैनन् ।

हालसम्म ४१ वटा लघुवित्तले मात्रै लाभांश घोषणा गरेका छन् । जसमा सबैभन्दा धेरै लाभांश महिला लघुवित्तले ५० प्रतिशत वितरण गर्ने भएको छ । यता सबैभन्दा कम लाभांश एनआईसी एशिया लघुवित्तले ५.४१ प्रतिशत वितरण गर्ने भएको हो ।