एनसेलले ल्यायो इन्डलेस कम्बो प्याकहरु, यस्ता छन् सुविधा

काठमाडौं । नयाँ वर्ष २०७९ को अवसरमा आफ्ना ग्राहकहरुको आवश्यकतालाई मध्यनजर गर्दै एनसेलले नयाँ अफर सार्वजनिक गरेको छ । आजियाटा लिमिटेडले आफ्ना ग्राहकलाई अझै सुलभदरमा सञ्चार सेवामा पहुँच सुनिश्चित गराउँदै आकर्षक भ्वाइस र डेटा सेवा बन्डलिङ रहेको इन्डलेस कम्बो प्याकहरु संचालनमा ल्याएको हो ।
उक्त योजना अन्तर्गत एनसेलका प्रिपेड ग्राहकले कर सहित मात्र २५ रुपैयाँमा बिहान ५ बजे देखि साँझ ५ बजे सम्म प्रयोग गर्न सकिन डे कम्बो प्याक र बेलुका १० बजे देखि भोलिपल्ट बिहान ७ बजे सम्म प्रयोग गर्न सकिने गरि दुई आकर्षक प्याकहरुबाट फाइदा लिन सक्छन् ।
डे कम्बो प्याक अन्तर्गत प्रिपेड ग्राहकले १०० एमबी डेटा र २०० मिनेटको अल नेट टक टाइम ९अन्य कुनै पनि सेवा प्रदायकको नम्बरमा कल गर्न सकिने० प्राप्त गर्दछन् । ग्राहकले *१७११८* १# वा *१७१२३*२# डायल गरि यो प्याक सुचारु गर्न सक्छन् । त्यस्तै ग्राहकले एनसेल एपबाट पनि यो प्याक सुचारु गर्न सक्छन् ।
बेलुकाको समयमा भ्वाइस तथा डेटा प्रयोग गर्न चाहने ग्राहकले २५० एमबी डेटा र २५० मिनेटको अल नेट टक टाइम भएको आकर्षक कम्बो प्याक मात्र रु २५ मा सुचारु गर्न सक्छन् । प्रिपेड ग्राहकले *१७११८*१*६# गरि प्याक सुचारु गर्न सक्छन् । त्यस्तै ग्राहकले एनसेल एपबाट पनि यो प्याक सुचारु गर्न सक्छन् ।
यो योजना वैशाख ५ बाट संचालनमा आएको कम्पनीले जनाएको छ ।