बौद्धबाट स्रोत नखुलेको डेढ करोडसहित चिनियाँ नागरिक पक्राउ
काठमाडौं । काठमाडौंको बौद्ध क्षेत्रबाट स्रोत नखुलेको झन्डै डेढ करोड रुपैयाँसहित एक चिनियाँ नागरिक पक्राउ परेका छन् ।
काठमाडौं महानगरपालिका–६ बौद्ध नयाँ बस्तीस्थित डेरामा बस्दै आएका ४० वर्षीय वाङ जियानलाई प्रहरीले १ करोड ४४ लाख रुपैयाँ सहित नियन्त्रणमा लिएको हो ।
जिल्ला प्रहरी परिसर काठमाडौंका अनुसार शंकास्पद आर्थिक कारोबार भइरहेको भन्ने सूचनाका आधारमा उनको डेरा खानतलासी गर्दा उक्त रकम फेला परेको हो । पक्राउ परेका जियानमाथि थप अनुसन्धान भइरहेको छ ।
