शेयर बजारमा उत्साह, कारोबार रकम भने घट्यो
काठमाडाैं । साताकाे तेस्राे काराेबार दिन मंगलबार सेयर बजारमा उत्साह देखिएकाे छ । आज नेपाल स्टक एक्सचेञ्ज नेप्से परिसूचक ३०.७६ अंकले बढेकाे छ । १.०३ प्रतिशतले बढेकाे नेप्से परिसूचक आज ३ हजार २.८० बिन्दुमा बन्द भएकाे हाे ।
नेप्से परिसूचक बढे पनि यसदिन काराेबार रकम भने घटेकाे छ । आज ३२१ कम्पनीकाे ४ कराेड १८ लाख ८ हजार ९६६ कित्ता सेयर खरिदबिक्रि हुँदा १८ अर्ब ५२ कराेड ९३ लाख रूपैयाँ बराबरकाे काराेबार भएकाे छ ।
हिजाे ३ सय २१ वटा कम्पनीका ४ करोड ४१ लाख कित्ता शेयर १९ अर्ब ३६ करोड रुपैयाँमा किनबेच भएको थियाे ।
यसदिन विकास बैंक र फाइनान्स र व्यापार समुह घट्दा यस बाहेक अन्य सबै समुहमा हरियाली छाएकाे छ । आज अन्य समुह २.६९, माइक्राेफाइनान्स १.५७, बैंकिङ १.१४, लगानी १.०९ र नीर्जीवन बीमा १.०८ प्रतिशत बढेका छन् ।
