एक दिन पनि टिकेन सेयर बजारको हरियाली, आज फेरि दोहोरो अंकले घट्यो
काठमाडौं । सेयर बजारको हरियाली एक दिन पनि टिक्न पाएन् । बुधवार एकै दिन बजार झन्डै ४६ अंकले वृद्धि भएको थियो ।
तर, साताको अन्तिम कारोबार दिन अर्थात् आज भने बजार उच्च दोहोरो अंकले घटेको छ । बिहीबार बजार ३३.४२ अंकले घटेको छ ।
उक्त दिन बजार परिसूचक २ हजार ६८२.२९ अंकको बिन्दुमा पुगेर बन्द भएको छ । आज उत्पादन तथा प्रशोन २६.५३ अंक र म्युचुअल फन्ड झिनो वृद्धि भएको छ । यी बाहेकका अन्य समूहहरु राताम्य बनेका छन्।
बजार घटेपनि आज कारोबार रकममा भने केही सुधार देखिन्छ। आज ६ अर्ब १४ करोड ४० लाख रुपैयाँ बराबरको सेयर किनबेच भएको छ।
