५ जना भाग्यमानीले आत्मनिर्भर लघुवित्तको आइपीओ ११ कित्ता पाउने, झण्डै १६ लाखको हात रित्तो
काठमाडौं । आत्मनिर्भर लघुवित्त वित्तीय संस्थाले आइपीओ बाँडफाँटको तयारि गरी रहेको छ । बिक्री प्रबन्धक सनराइज क्यापिटल लिमिटेडका अनुसार यो साता प्रिअलटमेन्ट गर्ने जनाएको हो ।
कम्पनीले प्रिअलटमेन्ट सकिएपछि त्यसको विवरण बोर्डमा बुझाएर बोर्डले तोकिएको मितिमा कम्पनीको शेयर बाँडफाँट हुनेछ । कम्पनीको आइपीओमा अन्तिम दिनसम्म १ अर्ब ७८ करोड ८ लाख रुपैयाँ बराबरको आवेदन परेको थियो । सीडीएसका अनुसार १६ लाख ९ हजार ५८६ जनाले १ करोड ७८ लाख ८ हजार कित्ताका लागि आवेदन दिएका हुन। जुन माग भन्दा १०४.९० गुणा बढी आवेदन हो ।
उक्त आइपीओ गोलाप्रथाबाट बाँडफाँट हुने छ । गोलाप्रथाबाट बाँडफाँट हुदाँ १६ हजार ९७५ जना आवेदकले १० कित्ताका दरले पाउने छन् तथा ५ जना भाग्यमानीले थप १ १ कित्ता सेयर प्राप्त गर्ने छन् । जसमा १५ लाख ९२ हजार भन्दा बढी आवेदकको हात भने रित्तो हुने देखिएको छ ।
कम्पनीले फागुन ११ गतेदेखि आफ्नो जारी पुँजीको ६ करोड २३ लाख ३८ हजार रुपैयाँको ३२.६२५ प्रतिशत ले हुन आउने २ करोड ३ लाख ३८ हजार रुपैयाँ बराबरको आइपीओ बिक्री खुला गरेको थियो । जसअनुसार प्रतिसेयर १ सय अंकित मूल्यमा २ लाख ३ हजार ३८० कित्ता सेयर निष्कासन भएको हो । यसमध्ये १० प्रतिशत अर्थात् २० हजार ३३८ कित्ता सेयर वैदेशिक रोजगारीमा रहेका नेपालीहरुलाई निष्कासन गरेको थियो । जारी पुँजीको ०.५ प्रतिशत अर्थात् ३ हजार ११७ कित्ता सेयर कर्मचारीलाई र ५ प्रतिशत अर्थात् १० हजार १७० कित्ता सामूहिक लगानी कोषका लागि सुरक्षित गरिएको थियो । बाँकी रहेको १ लाख ६९ हजार ७५५ कित्ता सेयरमा सर्वसाधारण लगानीकर्ताले खुला गरेको थियो ।््
