सेयर बजारको गिरावट कायमै, कारोबार रकम पनि सुस्तायो
काठमाडौं । सेयर बजारको गिरावट कायमै देखिएको छ । बुधवार पनि सेयर बजार दोहोरो अंकमा घटेको छ ।
साताको चौंथो कारोबार दिन बजार ३२.४४ अंक घटेको छ । उक्त दिन बजार परिसूचक २ हजार ६५५.८८ अंकको बिन्दुमा पुगेर बन्द भएको छ ।
आज म्युचुअल फन्ड झिनो ०.०४ अंक वृद्धि भएको छ । अन्य समूहहरु पुरै राताम्य बनेका छन् ।
उक्त दिन २८ वटा कम्पनीको सेयर भाउ वृद्धि भएको छ, २१७ वटाको भने गिरावट आएको छ । आज बजारसँगै कारोबार रकम पनि घटेको छ । आज ७ अर्ब ५७ करोड ५५ लाख १७ हजार रुपैयाँ बराबरको सेयर खरिदबिक्री भएको छ ।
