शुक्रबार ८३८ जना कोरोना संक्रमित थपिए, मृत्यु हुनेको संख्या १३७ पुग्यो
काठमाडौं । नेपालमा पछिल्लो २४ घण्टामा नेपालमा थप ८३८ जनामा कोरोना भाइरसको संक्रमण देखिएको छ ।
विभिन्न प्रयोगशालामा गरिएको परीक्षणका क्रममा ८३८ जनामा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
यो सहित नेपालमा कोरोना संक्रमित हुनेको संख्या ३० हजार ४८३ जना पुगेको छ । पछिल्लो २४ घण्टामा थप २५० जना कोरोना संक्रमणमुक्त भएका छन् । योसहित नेपालमा हालसम्म १८ हजार २१४ उपचारपछि निको भएका छन् ।
नेपालमा हालसम्म १३७ जना कोरोना संक्रमितको मृत्यु भएको छ।
