पशुपति क्षेत्र व्यवस्थापनमा नयाँ कानुनी ढाँचा ल्याइँदै, कोषको ऐन संशोधनको तयारी
काठमाडौं । सरकारले पशुपति विकास कोषको ऐनलाई परिमार्जन गरेर समय सापेक्ष बनाउने भएको छ ।
बुधबार पशुपति क्षेत्र विकास कोषको ३९ औं वार्षिक उत्सोव समारोहलाई सम्बोधन गर्दै संस्कृति,पर्यटन तथा नागरिक उड्डनमन्त्री बद्री पाण्डेले कोषको ऐन परिमार्जन गर्ने गरी मस्यौदा तयार गरिएको बताए । उनले अब चाडैं नै उक्त मस्यौदालाई मन्त्रीपरिषद् हुँदै संसदमा लैजाने प्रतिवद्धता व्यक्त गरे ।
पशुपतिनाथ विश्वका हिन्दु धर्मावलम्बीहरुको आस्थाको धरोहरको केन्द्रविन्दु रहेको बताए । उनले पशुपतिनाथले नेपालाई अन्र्तराष्र्टिय रुपमा चिनाउन सफल भएको बताए ।
मन्त्री पाण्डेले नेपालको सभ्यताको पहिचानको रुपमा रहेको पशुपति नाथलाई थप व्यवस्थि गर्दै अघि बढ्ने प्रतिवद्धता समेत दोहोर्याए । पछिल्लो समय नराम्रा कुराको अत्याधिक प्रचार प्रसारका कारण राम्रा कुराहरु ओझेलमा परेको भन्दै चिन्ता व्यक्त गरे ।
पशुपति क्षेत्र कोषका अध्यक्ष समेत रहेका मन्त्री पाण्डेले नराम्रा कुराको प्रचार हुँदा मुलुकबाट बौद्धिक व्यक्तित्वहरुको पलायन भइरहेको बताए ।
मुलुक बनाउनका लागि बौद्धिक व्यक्तित्वहरुको आवश्यकता औल्याए । विश्व सम्पादा सूचीमा सुचिकृत लुम्बीनी विकाष कोष र पशुपति विकास कोषबीच एक आपसमा सहकार्य सहित अघि बढ्न सुझाए । उचित हेडलाइन केके हुन सक्छन् ?
